sic a wife as willie had
willie wastle dwalt on tweed,
the spot they ca'd it linkumdoddie;
willie was a wabster gude,
could stown a clue wi' ony body:
he had a wife was dour and din,
o tinkler maidgie was her mither;
sic a wife as willie had,
i wad na gie a button for her!
she has an e'e, she has but ane,
the cat has twa the very colour;
five rusty teeth, forbye a stump,
a clapper tongue wad deave a miller:
a whiskin beard about her mou',
her nose and chin they threaten ither;
sic a wife as willie had,
i wadna gie a button for her!